Гэта "Ладны пераклад", дзе мы мяняем рускія ўстойлівыя выразы на нашы родныя, найлепшыя, ды знаёмім вас, якія бываюць беларускія прымаўкі ды прыказкі, мы вучымся думаць па беларуску і слухаем, як цудоўна гучыць наша родная беларуская мова. Мы працягваем вынаходзіць скарбы нашай роднай мовы. У нас сёння моўны дэтэктыў – будзем даследаваць беларуския прымаўкі ды прыказкі! Дакладней, адну прыказку. Таму наС чакаюць віртуальныя моўныя вандроўкі ў прасторы і часе. А пачалося ўсё з адной прыказкі: "Рукі доўгія, бы ў капыльскага злодзея". З’явілася яна ў Слуцку. Чаму ж менавіта пра Капыль тут узгадваецца? Ніхто не змог гэтага растлумачыць, таму засталося адно – звярнуцца да гісторыі Слуцка і Капыля. Аказалася, што гэтыя старажытныя беларускія гарады, вядомыя яшчэ з часоў саюзу дрыгавічаў, у XIV-XVI ст.ст. былі спаборнікамі за права лічыцца сталіцай тых земляў, што належалі князям роду Алелькавічаў! То Слуцк зробіцца галоўным, то Капыль. У залежнасці ад таго, дзе чарговы князь-наступнік сядзе. Маладзейшаму брату тады даставаўся другі горад. І ў Капылі, і ў Слуцку былі свае замкі з палацамі і войскамі. Жыві, здаецца, ды радуйся. Але браты, бывала, не надта мірыліся. У архівах ёсць таму сведчанні. Таму, мусіць, і слоўныя перапалкі не толькі між самімі князямі здараліся, але і між іх падданымі, капыльцамі ды случчанамі. Зараз такога, зразумела, няма. Але ж рэшты былых часоў усё ж захавалася ў мове. А вось кім дакладна быў той самы капыльскі злодзей, на жаль, не ўдалося высветліць. Затое столькі народных гумарэсак пра злодзея ёсць! Можа, гэта пра яго?.. Дарэчы, адна з версій паходжання назвы Капыль - ад старажытнага “капа”, што значыць сход сялян, які разглядаў судовыя справы. Чаму б не магчыма, што ў Капылі ладзілі над злодзеем тым суды?.. Вось вам і слуцкая прымаўка пра Капыль. А жыхары Капыля? Няўжо не ўпікалі слуцкіх у адказ? Вядома ж упікалі! Але пра гэта – у наступным выпуску. З ім, дарэчы, мне вельмі дапамаглі ўдзельнікі групы “Прыказкі і прымаўкі”, з Фэйсбуку. Усім падзяка. Зноў жа – у наступны раз. Ладнага ўсім перакладу! Ваша Воля)) Працяг будзе… ▪️ Дарэчы, вы можаце падтрымаць наш праект на Patreon па спасылцы: https://www.patreon.com/bydobry --- Ладны пераклад, нашы тэмы: моўныя скарбы, моўнае бязмежжа, моўная штодзёншчына, моўныя вандроўкі, моўныя батлы, спеўная мова, сучасная беларуская мова – беларускія прымаўкі, прымаўкі ды прыказкі, беларускі фальклор, беларускія прыказкі ды прымаўкі і г. д. Вельмі багатая нашая родная беларуская мова! --- Падпісвайцеся на наш сайт, сацыяльныя сеткі і Telegram: ► https://bydobry.com/ ► https://www.instagram.com/bydobry/ ► https://vk.com/bydobry ► https://www.facebook.com/bydobry ► https://t.me/bydobryby — — — Канал "Карані і вытокі" – гэта праект Добрага канала з Мінска. Добры канал - гэта пляцоўка, якая аб'ядноўвае незалежных аўтараў і іх памочнікаў, якія шануюць сумленную журналістыку і жадаюць ўнесці свой уклад у будучыню нашай краіны. На Добрым канале будзе ўсё: падкасты, артыкулы, відэа – вы абавязкова знойдзеце нешта цікавае для сябе. Над гэтым праектам працуюць выдатныя журналісты, якія па розных прычынах сышлі з радыё і тэлебачання і хочуць асвоіць новыя пляцоўкі, новыя падыходы, усе тыя, хто шукае новага гледача і новую магчымасць росту для сябе. Гэта выдатна, што мы з вамі сустрэліся і цяпер зможам быць разам. Рукі доўгія бы ў Капыльскага злодзея! – Беларускія прымаўкі ды прыказкі | Моўныя вандроўкі. Ладны пераклад. Карані і вытокі. Добры канал #ДобрыКанал #КаранііВытокі #ЛадныПераклад #моўныя скарбы #моўныявандроўкі #моўны дэтэктыў #пабеларуску #мова #роднаямова #беларускаямова #вучыммову #думаемпабеларуску