18 студзеня ў Варшаве адбудзецца вялікі канцэрт беларускай каманды Olia Shnip band і Варшаўскага Вольнага Аркестра. Канцэрт прапануе шматгранную праграму з цікавымі аранжыроўкамі, моцным вакалам, лірыкай і элементамі тэатральнага перформанса, якія натхняюцца "беларускім досведам" апошніх гадоў. Гурт і канцэрт сталі вынікам працы ў арт-рэзідэнцыі "Дома Творцаў", якая падтрымлівае рэпрэсаваных беларускіх музыкантаў. Канцэрт адбудзецца па адрасе ul. Puławska 114.