З 25 па 27 красавіка Аляксандар Лукашэнка будзе знаходзіцца з афіцыйным візытам ў КНР. Фармальна, калі верыць ягонай прэс-службе, ён прыме ўдзел у працы міжнароднага форуму "Пояс ды Шлях", які ўжо другі раз ладзіць кіраўніцтва Кітайскае Народнае Рэспублікі. Але, выклікаюць пытаньні некаторыя акалічнасьці такога візыту. Урадавая дэлегацыя знаходзіцца ў КНР ужо некалькі дзён. І 24.04 адбылося ўрачыстае падпісаньне цэлага шэрагу пагадненьняў. Улічваючы, што Лукашэнка любіць падкрэсьліваць сваю эфэктыўнасьць на пасадзе прэзыдэнта, такія рэчы зазвычай адбываюцца ў ягонае прысутнасьці. А тут кульмінацыя прайшла да ягонага прыбыцьця на кітайскую зямлю. Другі аспэкт - дата паведамленьня пра візыт. Зазвычай прэс-служба гаворыць пра міжнародную паездку прынамсі за тыдзень да яе пачатку. Гэтым разам - меней за 24 гадзіны. Таму можна сьцьвярджаць, што візыт усё ж такі раптоўны. І тое, што так хутка дамоўлена сустрэча з Сі Цзінпінам - добры знак. Тым не меней застаюцца пытаньні матывацыі - навошта так тэрмінова трэба было ляцець да Пэкіну. Адказы дастаткова лёгка атрымаць, калі прааналізуеш падзеі навокал Беларусі за апошнія 6-8 месяцаў. Тэмы, паднятыя ў відэа: 3:05 Нафтавыя праблемы. Падача хлорарганічных злучэньняў у сумесі нафты Urals паставіла беларускую нафтаперапрацоўку ў цяжкое становішча - ёсьць патрэба ў прафілактыцы ды рамонце, сарваныя міжнародныя кантракты, польскія ды нямецкія заводы адмовіліся прымаць расейскую забруджаную нафту і яна засталася ў нашай нафтаправоднай сыстэме. Перавышэньне дапушчальных нормаў па хлорарганіцы - 30 разоў на ўваходзе у польскую сыстэму. Вольных грошай у Беларусі на такія патрэбы няма, браць ад РФ няма жаданьня - патрэбны Кітай. 8:30 Першая задача - грошы. Чым ужо дапамог Кітай і ці будуць выпушчаныя Панда-Бонды (аблігацыі ў Юанях) 10:15 Праблемы ВПК. Супрацоўніцтва з Кітаем адстае ад графіку на 6-8 месяцаў. КНР не сьпяшаецца перадаваць усе патрэбныя Беларусі тэхналёгіі. Беларусь спрабуе перабудаваць палітыку кампэнсацыі расейскага рынку з лініі Менск-Пекін на трохкутніх Менск-Анкара-Пекін. Якая сувязь размоваў з Эрдаганам з кітайскім вэктарам. 11:56 Агрэсіўная палітыка РФ мае наступствы для супольных з Кітаем праектаў - значная частка прадпрыемстваў, адбудаваных на кітайскія грошы пакуль не выйшла нават на нуль. Агульны ціск Расеі і кітайскі засьцерагальнік - Кітаю не цікава Беларусь, што ідзе ў фарватэры расейскай палітыцы, адпаведна Лукашэнка разьлічвае на пэўныя палітычныя гарантыі КНР. У тым ліку што да ўнутрыпалітычных падзеяў у Беларусі. 15:45 Па якіх знаках мы можам судзіць аб глыбіні уваходу Кітая як гульца ў палітычных падзеях навокал Беларусі. Ёсьць 4 месяцы, ёсьць сьпіс, які можна правяраць. Хотите знать больше - ищите мою страничку в ФБ: https://www.facebook.com/Ihar.Tyshkevich Мой тэлеграм-канал: https://t.me/slavic_brotherhood