Лукашэнка анансаваў амністыю, якая мае закрануць і асуджаных па палітычных артыкулах (на гэтым ён зрабіў акцэнт у гаворачы пра рашэньне). Гэта адбылося на фоне вынясеньня прысудаў пра «справе Зянковіча» і завяршэньню суду па «справе Аўтуховіча». Агулам плянуецца выпусьціць зь вязьніц каля 8 тысячаў чалавек. Далёка ня ўсе зь іх будуць палітычнымі, гэта варта мець на ўвазе. З аднаго боку пра тое, што амністыя па палітычных артыкулах ёсьць лагічным і верагодным крокам я казаў яшчэ з пачатку 2021 году. Адно, памыліўся з тэрмінамі – лічыў, што масавы крок магчымы ўвосень 2021 ці адразу пасьля рэфэрэндуму. Зь іншага боку, вясна 2022 году ўнесла свае карэктывы. Вайна РФ супраць Украіны істотна зьмяніла варункі беларускае палітыкі. Зьмяніла, але не адмяніла лёгіку. Нават не атрымаўшы бонусаў ад рэфэрэндуму, Лукашэнка вымушаны вернуцца да пытаньняў зьменаў сыстэмы й гульні на пасеве пазытыўных чаканьняў сярод насельніцтва. Тым не меней, зараз я вельмі асьцярожна ацэньваю фармат і вынікі амністыі – варункі такі зьмяніліся. Як зьнешнія, так і ўнутраныя. Гэта толькі першы крок з цэлай сэрыі неабходных. Таму прапаную паразважаць над некалькімі тэмамі, зьвязанымі з амністыяй і далейшымі працэсамі ў беларускай палітыцы. 00:00 Пачатак 01:19 Чаму амністыя – рэч прагназаваная. Ацэньваем лёгіку працэсаў ці пра складанае грамадства, прымітыўную сыстэму кіраваньня й вілку варыянтаў: ці ўскладняць сыстэму ці спрашчаць грамадзтва. Атачэньне Лукашэнкі здолела ўтрымаць сытуацыю пад кантролем за кошт мабілізацыі. Але утрымаць -не азначае мець пэрспэктывы. Час аслабляць закручаныя гайкі, мяняючы іншымі інструмэнтамі, але ёсьць і страх пачынаць такое. Амністыя – спроба падсадзіць частку грамадзтва на пазытыўныя чаканьні зьменаў. А таксама сігнал частцы краінаў ЕС пра гатоўнасьць да асьцярожных размоваў. 08:19 Колькасьць адпушчаных «палітычных» і знакавых фігураў. Нават па пазытыўнаму сцэнару на волю выйдуць ня болей за 1-2 «статусных» ці «публічных» палітзьняволеных. Астатнія збольшага будуць складацца з групы, што па тэрмінах ужо можа падавацца на ўмоўна-датэрміновае вызваленьне. Таму БУДЗЕ другая хваля амністыя. Але праз паўзу. Гэты працэс называецца «гандлем галавамі» - размовы пра варыянты вызваленьня й пошук нагодаў. 11:52 Лёгіка рашэньняў у атачэньні Лукашэнкі паказвае, што спроба «спрасьціць грамадзтва» правалілася. Адпаведна, праз «нехачу» улада Беларусі будзе пакрыху зьмяняцца. Але бачаньня цэласнай канцэпцыі няма. Ключавое – пабароць зараз хвалю негатыву. І, вельмі важнае, частцы амніставанах будуць «рэкамэндаваць» ісьці ў палітыку. Гаворка ня толькі пра Васкрасенскага й Пратасевіча. Сытуацыя можа быць больш складанай. 14:06 Яшчэ адна «дадатковая» тэза для роздумаў. Вайна паставіла на паўзу ідэю «дамагчыся вяртаньня» некага з эміграцыйных цэнтраў. Пасьля амністыі падобная палітыка зноў стане актуальнай. Ці атрымаецца гэта ў Лукашэнкі? Як правільныя рашэньні аднаго з бакоў вымушаюць мяняцца іншы бок. І чаму такі працэс вядзе да разьвіцьця беларускага палітычнага працэсу, нават без прывязкі да пэрсаналіяў. Падтрымка каналу – падпіска на Патрэон: https://www.patreon.com/ihar_Tyshkevich