У сярэдзіне сьнежня ў Львове адбылася досыць цікавая й патрэбная падзея - беларуска-украінская сустрэча, якая меркавалася як сустрэча экспэртаў, але ўжо атрымала неафіцыйную назву "Астрожскі форум". Форум - не форум - але было дастатковае для плённай дыскусіі прадстаўніцтва з абох бакоў. На жаль, зь яўным ўхілам у палітычны складнік, бо багата было палітыкаў, а не экспэртаў ці аналітыкаў. Зь іншага боку, мерапрыемства атрымалася карысным - удзельнікі досыць рэзка прайшлісь па балявых кропках адно аднаго. А таксама, спадзяюся, пазбавіліся пэўных ілюзій. Палітычнага посьпеху штаба ці пераходнага кабінэту не атрымалася, ды й не магло атрымацца. Але пытаньне пошуку фарматаў супрацоўніцтва на палітычным полі пачало прадметна абмяркоўвацца. Проста розьніца ў падыходах. Адна група настойвае на вертыкальным падыходзе дзе яны "лідары вакол лідара", а іншыя (як і партнэры з Украіны) на роўным стаўленьні да ўсіх хто здольны рабіць канкрэтныя справы. Больш падрабязна пра мае уражаньні ў роліку. Падтрымка канала: https://www.patreon.com/ihar_Tyshkevich