Сабалеўскі на волі: https://youtu.be/8G9zvG-omJo Патрабуем неадкладнага вызвалення нашага журналіста Алеся Сабалеўскага! Учора, 13 верасня 2020 года, напрыканцы чарговай акцыі пратэсту быў затрыманы журналіст “Магілёўскага рэгіёну” Алесь Сабалеўскі. Рэдакцыя патрабуе яго неадкладнага вызвалення. Сувязь з Сабалеўскім прапала ўвечары, калі маніфестацыя супраць сфальшаваных вынікаў прэзідэнцкіх выбараў, прайшоўшы амаль увесь цэнтр Магілёва, знаходзілася ў Задняпроўі. Па атрыманай раней інфармацыі, Сабалеўскага затрымалі каля кінатэатра “Космас”, а потым даставілі ў Кастрычніцкі РАУС горада. Паводле раскладу судовых пасяджэнняў на сёння, 14 верасня 2020 года, суд над Сабалеўскім яшчэ не прызначаны. Рэдакцыя “Магілёўскага рэгіёну” патрабуе неадкладнага вызвалення Алеся Сабалеўскага і ўсіх беспадстаўна затрыманых на акцыі пратэсту грамадзян, спынення пераследу журналістаў, а таксама людзей, якія рэалізуюць сваё права на мірныя сходы. Страница сайта: https://6tv.by/ Наши соцсети: https://vk.com/6tvby https://www.facebook.com/6tv.by https://ok.ru/tv6by https://www.instagram.com/6tvby https://www.youtube.com/c/6tvby