Магілёўскія жанчыны 13 жніўня прайшліся па цэнтральных вуліцах горада, каб выказаць сваю жаночую салідарнасць супраць гвалту. З белымі кветкамі ў руках яны двойчы прайшліся ўздоўж Першамайскай. На ўсім шляху ім выказвалі падтрымку аўтамабілісты гукавымі сігналамі, а шмат хто са звычайных мінакоў іх падтрымаў апладысментамі і цёплымі словамі. За час, пакуль жанчын здымаў рэпарцёр 6tv.by, не адбылося ніякіх інцыдэнтаў, шэсце адбывалася мірна, міліцыя толькі сачыла з аўтамабіляў. На плошчы Славы дзяўчыны ўсклалі кветкі да вечнага агню, а шэсце прадоўжылася далей, у бок праспекта Пушкіна... Акцыя з белымі кветкамі сёння працягнецца і ўвечары, у розных частках горада. Па некаторых звестках да яе далучыліся медыкі з абласной бальніцы, якія рушылі ад сваёй установы на мікрараёне Спадарожнік у бок цэнтра горада. Было паведамленне, што затрымалі вядомага магілёўскага фатографа Аляксандра Ліціна. Ён фатаграфаваў жанчын з белымі кветамі каля гандлёвага цэнтра Гіпа, ды яшчэ і сам падараваў ім букет белых кветак. Але, па апошніх дадзеных, яго адпусцілі. Страница сайта: https://6tv.by/ Наши соцсети: https://vk.com/6tvby https://www.facebook.com/6tv.by https://ok.ru/tv6by https://www.instagram.com/6tvby https://www.youtube.com/c/6tvby