Сем актывістаў Моладзі БНФ каля гандлёвага дому на Нямізе правялі перформанс прысвечаны 1 верасня. Шэсць маладых людзей сталі шэрагам з паперкамі А4, на якіх былі намаляваны розныя малюнкі (ноты, кампутар і г.д). Яны увасаблялі дзяцей, якія маюць схільнасці да нейкіх адмысловых навук і хочуць вучыцца ў спецыялізаваных класах (профільных ці ліцэйскіх). Сёмая удзельніца акцыі была нібыта дырэктарам. Яна забрала ў «дзяцей» паперкі з малюнкамі і апранула іх у шэрыя мяшкі для смецця з подпісамі «сярэдняя адукацыя». Удзельнікі акцыі празванілі ў школьны званок і пайшлі ў мяшках для смецця па вуліцах горада. Такім чынам, сябры Моладзі БНФ выказалі сваю нязгоду з адменай профільных і ліцэйскіх класаў у беларускіх школах. / A group of young opposition activist (representing Moladz BNF, a youth fraction of BNF political party) staged a performance in Minsk. They put on garbage bags as a sign of protest against the reform of education, which aims at making education at Belarusian schools less sophisticated.