Каля гарвыканкаму народ зноў патарабаваў сустрэчы з кіраўніцтвам Магілёва. У панядзелак, 17 жніўня магілёўцы сабраліся каля будынку гарадской адміністрацыі. Мітынг быў не такі шматлюдны, як напярэдадні ў нядзелю, гэтым разам сабралася некалькі соцен чалавек. Людзі хацелі пабачыць кіраўніцтва гораду, каб перадаць свае патрабаванні і пачуць адказы на самыя важныя пытанні, звязаныя з легітымнасцю ўлады і неабаснаванымі рэпрэсіямі. Але, паколькі народ сабраўся пасля 17 гадзінаў, калі працоўны дзень фармальна скончыўся, да іх не выйшаў нават міліцыянер-ахоўнік. Па некаторых сведчаннях, сам кіраўнік гарадской адміністрацыі Уладзімір Цумараў пакінуў будынак праз "чорны" выхад. Пад час сутрэчы грамадзяне і актывісты яшчэ раз абмяркавалі шэраг пытанняў да ўладаў, а так сама прызначылі час новай акцыі - аўторак, так сама а 17-й гадзіне. На гэты ж час кіраўніцтва горада анансавала "свой" мітынг, на які плануюць сабраць людзей праз "адміністратыўны рэсурс". Страница сайта: https://6tv.by/ Наши соцсети: https://vk.com/6tvby https://www.facebook.com/6tv.by https://ok.ru/tv6by https://www.instagram.com/6tvby https://www.youtube.com/c/6tvby