За некалькі дзён, пакуль доўжылася Мінская міжнародная кніжная выстава, пісьменнік Віктар Марціновіч зладзіў некалькі аўтограф-сесій. Як на самой выставе, так і ў сталічнай кнігарні "Светач". І ў абодвух выпадках недахопу ў ахвотных пазнаёміцца з аўтарам раманаў "Ноч", "Возера радасці", "Сфагнум" і "Мова" ды атрымаць яго аўтограф не было. Ці азначае такая цікаўнасць да сустрэч з літаратарам, што беларуская літаратура вяртае сабе чытача? Ці павінна сучасная літаратура даваць адказы на надзённыя пытанні, якія хвалююць грамадства? На гэтыя ды іншыя пытанні ў жывым эфіры Еўрарадыё адказвае пісьменнік Віктар Марціновіч.