За тым, што адбываецца на ўсходзе Украіны, беларускія журналісты Ігар Ільяш і Кацярына Андрэева сачылі ад самага пачатку ваеннага канфлікту на Данбасе — з 2015 года. За чатыры гады журналісты зрабілі некалькі дзясяткаў інтэрв’ю, расследаванняў і рэпартажаў, асноўнай тэмай і галоўнымі героямі якіх сталі беларусы і “беларускі след” у той вайне. Кніга “Беларускі Данбас” стала вынікам гэтай чатарохгадовай працы журналістаў. Навошта беларусы едуць ваяваць на Данбас і перавагу якому боку канфлікту яны аддаюць? Што чакае іх на радзіме і ці ёсць у іх магчымасць вярнуцца? Пераследуюць беларускія спецслужбы “беларусаў Данбаса” ці супрацоўнічаюць з імі? Адказваюць аўтары кнігі “Беларускі Данбас” журналісты Ігар Ільяш і Кацярына Андрэева.