Нягледзячы на вайну на ўсходзе краіны, складанасці ў эканоміцы і шматлікія сацыяльныя праблемы, Украіна працягвае праводзіць шматлікія рэформы ў розных сферах: ад медыцыны і адукацыі, да антыкарупцыйнай і вайсковай рэформ. Ці ёсць у гэтым спісе рэформ хоць адна, якую ўжо зараз можна лічыць паспяховай? Дэцэнтралізацыя – што гэта такое і чаму гэта ўкраінская рэформа мясцовага самакіравання “выгадная” Беларусі? Ці не баіцца цэнтральная ўлада дзяліцца паўнамоцтвамі з рэгіёнамі? Чым можа быць карысны Беларусі ўкраінскі вопыт рэформ? Ці давяраюць жыхары памежных рэгіёнаў Украіны сваёй паўночнай суседцы Беларусі? На гэтыя ды іншыя пытанні ў жывым эфіры Еўрарадыё адкажа эксперт па мясцовым развіцці і дэцэнтралізацыі, экс-мэр горада Нецішын Хмяльніцкай вобласці Украіны, заснавальніца валанцёрскай праграмы “Майдан. Медыкі”, ветэран Антытэрарыстычнай аперацыі, кавалер ордэна “За мужнасць” Вольга Амельчук. Слухайце размову з Вольгай Амельчук а 12.05 пасля выпуску навін.