Еўрарадыё і "Арт Сядзіба" робяць усё магчымае, каб вы не сумавалі вечарамі ў нашыя цяжкія часы каранцінаў і самаізаляцыі. 7 траўня ў нас юбілейны, дзясяты анлайн-канцэрт з серыі "Бяспечны LIVE". Для тых, хто ў доміку, акустычны сэт грае пост-панк-гурт Nürnberg — музычнае адкрыццё 2018 года па версіі Belarus Music Live. Каб трапіць на канцэрт, цяпер не трэба нікуды ісці. Ды і куды ты пойдзеш, калі ўсё паадмянялася праз каранавірус? Проста далучайцеся да стрыму на Youtube і ў Facebook. Пачатак у 20:30. Каранавірус не пакіне нас без канцэртаў!