Экс-дэпутатка Палаты прадстаўнікоў Ганна Канапацкая і год таму не хавала сваіх прэзідэнцкіх амбіцый. Ідучы на парламенцкія выбары ў 2019 годзе, яна казала пра магчымы ўдзел у прэзідэнцкіх выбарах, незалежна ад выніку тых выбараў. Пераабрацца ў Палату прадстаўнікоў у Ганны Канапацкай не атрымалася, і вось лагічны (альбо нелагічны?) працяг — палітык заяўляе пра свой удзел у прэзідэнцкай гонцы. На што разлічвае Ганна Канапацкая, увязваючыся ў кампанію пад назвай “Беларускія выбары”? З якой праграмай ідзе да выбаршчыкаў палітык? Спарынг-партнёрам ці рэальным сапернікам стане яна для кандыдата ў прэзідэнты Лукашэнкі?