Светлагорскія актывісты, якія выступаюць супраць пабудаванага на ўскрайку горада цэлюлозна-картоннага камбіната, 6 лютага патрапілі на прыём да міністра прыродааховы Андрэя Худыкі. Мясцовыя жыхары распавядалі міністру пра атручванні пасля невядомых выкідаў і дамагаліся рэальных звестак пра забруджанне паветра побач з камбінатам. Актывістка і праваабаронца Алена Маслюкова разам з хімікам-эколагам Вадзімам Болбасам у жывым эфіры распавядуць пра тое, што адбываецца вакол “смярдзючага” прадпрыемства. Як прайшла сустрэча з міністрам? Ці здараюцца новыя выпадкі атручвання сярод мясцовых жыхароў? Чаму не атрымліваецца правесці незалежныя замеры? Як складваюцца адносіны актывістаў з уладамі? Што, на думку жыхароў Светлагорска, не так з дакументацыяй прадпрыемства? На гэтыя пытанні Алена Маслюкова і Вадзім Болбас адкажуць у жывым эфіры Еўрарадыё ў 13:05, пасля кароткага выпуску навін. Падпісвайцесь на нас у сацсетках: Афіцыйны telegram — https://t.me/euroradio Нефармальны канал — https://t.me/euroradiofm Facebook — https://www.facebook.com/euroradio.fm Twitter — https://www.twitter.com/euroradio Vkontake — https://www.vk.com/euroradio Одноклассники — https://www.ok.ru/euroradio Instagram — https://www.instagram.com/euroradio