Згодна з патрабаваннем, ужо з 1 снежня усе ахвочыя пакінуць каментарый на інтэрнет-форуме павінныя будуць прайсці ідэнтыфікацыю – прывязаць да свайго акаўнта на форумах нумар мабільнага тэлефона. Не зробіш гэтага – зможаш толькі чытаць каментарыі іншых людзей, але сам напісаць нічога не зможаш. Ці толькі праз нумар тэлефона можна прайсці ідэнтыфікацыю? Ці можна нейкім чынам яе абысці? Што будзе з асабістымі дадзенымі каментатара? Ці не сыдуць каментатары з форумаў у сацыяльныя сеткі? На гэтыя ды іншыя пытанні ў жывым эфіры Еўрарадыё адкажа эксперт у галіне абароны персанальных звестак, юрыст праваабарончай арганізацыі Human Constantа Аляксей Казлюк. Слухайце размову з Аляксеем Казлюком у 16:05 пасля выпуску навін.