31 студзеня ў клубе Re:Pubic адбудзецца вялікі канцэрт-прэзентацыя новага альбома гурта Relikt "Дрэва жыцця". Сама кружэлка выйшла ў кастрычніку 2019 года. Але перад самым Новым годам музыкі нечакана разразіліся яшчэ адным лонгплэем, выпусціўшы складанку сваіх лепшых песень "Braslavy Unplugged". З чым звязана такая пладавітасць і чым будзе адметна прэзентацыя LP "Дрэва жыцця" у 13.00 у жывым эфіры Еўрарадыё распавядаюць бубнач гурта Аляксандр Дземідзенка і фронтмэн Уладзімір Казлоў. А таксама адкажуць на вашы пытанні! Аўтар лепшага атрымае запрашальнік на канцэрт 31-га студзеня. Актывізуйцеся!