31 жніўня Аляксандр Лукашэнка прызначыў новага міністра фінансаў — Максіма Ермаловіча. Незалежны аналітык Сяргей Чалы звяртае ўвагу, што з гэтым прызначэннем усе ключавыя пасады, звязаныя з эканомікай, занялі прадстаўнікі пакалення аднадумцаў з 1970-х, якія маюць добрую адукацыю, размаўляюць на адной мове з бізнесам і якіх дакладна нельга папракнуць у кансерватызме. Чым адметны Максім Ермаловіч і якую партыю ён будзе граць у гэтым дзяржаўным аркестры ўраду “сямідзясятнікаў”? Гэта і іншае абмяркуем з Сяргеем Чалым у жывым эфіры Еўрарадыё.