Прымаўка “Ваўкоў баяцца — у лес не хадзіць” з’явілася не на пустым месцы. Мы баімся таго, чаго не разумеем альбо не ведаем. Напрыклад, ваўкоў. Ваўкі не беспадстаўна ўспрымаюцца намі выключна як пагроза. Зойдзеш у лес, і пагроза гэтая ў выглядзе зубастага ваўка мроіцца за кожным дрэвам. А вось грузінскі заолаг Ясон Бадрыдзе два гады пражыў у воўчай зграі. Каб даведацца, як навучыцца разумець ваўкоў і перастаць іх баяцца, Грамадскае аб’яднанне “Ахова птушак Бацькаўшчыны” і праект vouk.by распачалі краўдфандынгавую кампанію на сайце “Талака” па зборы сродкаў на арганізацыю сустрэчы з Ясонам Бадрыдзе. На дадзены момант сабрана 47% ад неабходных 1250 рублёў. Да завяршэння кампаніі застаецца 25 дзён. Сустрэчу з Ясонам Бадрыдзе плануецца правесці 8 лютага. Да нас завітае кіраўнік праекта па арганізацыі сустрэчы з Ясонам Бадрыдзе Лізавета Шалай. Падпісвайцесь на нас у сацсетках: Афіцыйны telegram — https://t.me/euroradio Нефармальны канал — https://t.me/euroradiofm Facebook — https://www.facebook.com/euroradio.fm Twitter — https://www.twitter.com/euroradio Vkontake — https://www.vk.com/euroradio Одноклассники — https://www.ok.ru/euroradio Instagram — https://www.instagram.com/euroradio