У суботу, 29 ліпеня, незалежныя беларускія медыі аб’яднаюцца ў 12-гадзінным усебеларускім анлайн-марафоне салідарнасці «Нам не ўсё адно!». Мэтай марафона з'яўляецца збор грошай для падтрымкі палітзняволеных і іх сямей. У марафоне ўдзельнічаюць палітыкі, блогеры, дзеячы культуры і спорта, грамадскія актывісты. Трансляцыя будзе весціся на шматлікіх YouTube-каналах з 10-й ранку да 10-й вечара па мінскім часе. Усе данаты будуць збірацца на адзіны рахунак і пасля размяркоўвацца паміж фондамі і арганізацыямі, якія дапамагаюць палітзняволеным і іх сям'ям.