У суботу, 29 ліпеня, незалежныя беларускія медыі аб’яднаюцца ў анлайн-марафоне салідарнасці "Нам не ўсё адно!" для збору грошай на палітвязняў і іх сям'і. У марафоне ўдзельнічаюць палітыкі, блогеры, дзеячы культуры і спорта, грамадскія актывісты. Трансляцыя будзе весціся на некалькіх YouTube-каналах з 10 ранку да 10 вечара па мінскім часе. Усе данаты будуць збірацца на адзіны рахунак і пасля размяркоўвацца паміж фондамі і ініцыятывамі, якія дапамагаюць палітвязням і іх сям'ям.