29 ліпеня незалежныя беларускія медыі аб'ядноўваюцца ў 12-гадзінным усебеларускім анлайн-марафоне салідарнасці, каб сабраць грошы для палітычных зняволеных і іх сем'яў. Да эфіру далучацца блогеры, палітыкі, дзеячы культуры і спорту, грамадскія актывісты. Трансляцыя будзе весціся адначасова на мностве незалежных YouTube-пляцовак па мінскім часе. Усе ахвяраванні будуць збірацца на адзін рахунак, адкуль грошы будуць размеркаваны паміж фондамі, ініцыятывамі і арганізацыямі, якія дапамагаюць палітвязням і іх сваякам. Кантраляваць размеркаванне сабраных грошай будзе назіральная рада, у якую ўвойдуць прадстаўнікі медыя-арганізатараў марафону. Усіх гледачоў марафона, якія знаходзяцца ў Беларусі, заклікаюць быць асцярожнымі: не рэпосціць, не лайкаць і не каментаваць трансляцыю са сваіх персанальных акаўнтаў, ахвяраванні рабіць толькі праз карты і рахункі сяброў і блізкіх, якія жывуць за мяжой.