У 2020-ым годзе "падарункам" ад рэжыму нашым студэнтам сталі збіццё і арышты, а пасля і турэмныя тэрміны – за тое, што ўдзельнічалі ў мірных маршах, развівалі дэмакратычныя студэнцкія рухі на ва ўнiверсiтэтах і распаўсюджвалі інфармацыю аб тым, што адбываецца ў нашай краiне. За тое, што адважыліся сказаць "не" дыктатуры і падману і выступіць у абарону грамадзянскіх правоў суайчыннікаў. Маладыя беларусы, як і іх папярэднікі па ўсім свеце ў розныя перыяды гісторыі, працягваюць змагацца за дэмакратыю і свабоду ў самыя цёмныя часы для сваёй краіны. У часы, калі законы не працуюць, а маладосць, свабодамыснасць і імкненне змяніць свет вакол натыкаюцца на дубінкі, бронемашыны і кулі. Калі самыя таленавітыя, разумныя і перспектыўныя сутыкаюцца тварам да твару з машынай рэпрэсій састарэлых аўтакратаў. Калі з краіны з'язджае будучыня нацыі – лепшыя з лепшых. 17 лістапада – не проста дзень студэнтаў. Гэта дзень барацьбы ўсяго вольнага супраць дрымучага і рабскага. Барацьбы надзеі на будучыню супраць жорсткасці мінулага. Дэмакратыі супраць дыктатуры. Мы жывем у гістарычную эпоху. Ужо хутка яна захлісне нашу краіну – працэс пераменаў і перабудовы, запушчаны ўсімі намі два гады таму, непазбежны. Мы зноў атрымаем шанец стаць свабоднымі, але як хутка і якім коштам – залежыць толькі ад нас з вамі. Аб'ядноўвайцеся! Сустракайцеся, дыскутуйце, спрачайцеся, марце, беражыце сябе, клапаціцеся аб сваёй бяспецы – асабліва тыя, хто застаюцца ў Беларусі. Наступіць момант, калі ўсе мы станем побач адзін з адным, каб сказаць сваё важкае слова супраць беззаконнасці і тыраніі, каб вызначыць лёс будучага Беларусі. Вы вельмі патрэбныя ўсім нам. І вельмі патрэбныя нашаму дому, які мы разам пабудуем – дэмакратычную i свабодную Новую Беларусь. Мы з вамі і за вас. Заўсёды і ўсюды. З Міжнародным днём студэнтаў вас! ✊ Жыве Беларусь! Калі ў вас ёсць магчымасць і жаданне падтрымаць працу каманды НАУ: https://bit.ly/38KA2y0 Нашы сацыяльныя сеткі: Павел Латушка: Telegram: https://bit.ly/3u61ixG Instagram: https://bit.ly/3u4aKS2 YouTube: https://bit.ly/3qgqmRn YouTube PL: https://bit.ly/3u7pfEE Twitter: https://bit.ly/3tlTBEb Facebook: https://bit.ly/3IhgBs9 Viber: https://bit.ly/3qgqQa9 TikTok: https://bit.ly/3KWQYig Народнае антыкрызіснае ўпраўленне: Telegram: https://bit.ly/36ezaQK Instagram: https://bit.ly/3InJdAj YouTube: https://bit.ly/3wjLOZE Twitter: https://bit.ly/3CRbU7i Facebook: https://bit.ly/3igwXab Сайт: https://bit.ly/36tSglZ #беларусь #латушка #студэнты Мы рыхтуем дзеянні, каб вярнуць свабоду Беларусі