У ноч з 29 на 30 кастрычніка 1937 года было расстраляна 108 дзеячаў культуры і навукі Беларусі. З таго часу 29 кастрычніка беларусы ва ўсім свеце ўзгадваюць адну з самых трагічных дат у сваёй гісторыі – Ноч расстраляных паэтаў. Дзеячы культуры – асобы, якія аб'ядноўваюць пакаленні. І іх знішчылі: гвалтоўна i жудасна. Але слова іх немагчыма знішчыць. І іх слова дайшло да нас: як слова прарокаў, як слова, якое мы павінны несці ў грамадства. Як слова, якое мы трымуем, як слова, якое дае надзею. Гэта слова пераможа ўсе жудасы XX і XXI стагоддзяў. Для таго, каб існавала і развівалася беларуская нацыя і беларускі народ. Каб мы мелі сваё пачэснае месца на Зямлі. Я далучаюся да акцыі і заклікаю ўсіх беларусаў успомніць сёння гэтыя драматычныя падзеі, каб яны больш ніколі не паўтарыліся. І беражыце сябе і сваіх блізкіх! Поўны спіс акцый да Ночы расстраляных паэтаў можна пабачыць на сайце nochpaetau.com.