Апошнім часам у публічнай прасторы зноў з'яўляецца тэзіс аб тым, што беларуская рэвалюцыя, што пачалася ў 2020 годзе – прайграла. Але ці можа нехта з лідараў меркаванняў гэта канстатаваць, грунтуючыся на нечым, што не звязана з суб'ектыўнай ацэнкай ці адчуваннем? Нават калі ўявіць, што падобную заяву зрабіў бы нехта з лідараў беларускіх дэмсілаў. Здаецца, што часам за жаданнем "быць рэалістам" хаваецца хучтэй жаданне і спроба даць тлумачэнне і просты адказ самому сабе – на складанае пытанне "чаму мы дагэтуль не перамаглі?" Але простага адказу тут няма. Як і няма падстаў пашыраць уласнае адчуванне паразы на ўсіх астатніх, нават маючы пэўны аўтарытэт і досвед, каб рабіць падобную заяву публічна. Дык ці прайграла беларуская рэвалюцыя? Гэта можа канстатаваць толькі беларускі народ. Бо толькі калі так лічыць народ, толькі калі народ лічыць – "усё, далейшы супраціў бессэнсоўны" (а ён дагэтуль існуе і трывае – і гэта факт), мы пагаджаемся з тым, што дыктатура перамагла, мы пагаджаемся і прымаем новы, таталітарны парадак і фізічна, і метафізічна, прымаем яго на ідэалагічным узроўні – то так, у гэтым выпадку рэвалюцыя насамрэч прайграла. Мая суб'ектыўная ацэнка и адказ – не, упэўнены, што не прайграла. Але ж дакладна можа адказаць толькі народ. І таму праз свае каналы, дзе адчыненыя каментары, дзе ёсць зваротная сувязь, я гатовы паставіць гэтае пытанне публічна. Звяртаюся да вас, беларусы. Ці прайграла нашая рэвалюцыя? Ці мы прымаем гэты таталітарны парадак і рэжым Лукашенкі? Адкажыце, калі ласка. Калі можаце зрабіць гэта разгорнута ў каментарах – буду вам асабліва ўдзячны. Жыве Беларусь! Калі ў вас ёсць магчымасць і жаданне падтрымаць працу каманды НАУ: https://bit.ly/38KA2y0 Нашы сацыяльныя сеткі: Павел Латушка: Telegram: https://bit.ly/3u61ixG Instagram: https://bit.ly/3u4aKS2 YouTube: https://bit.ly/3qgqmRn YouTube PL: https://bit.ly/3u7pfEE Twitter: https://bit.ly/3tlTBEb Facebook: https://bit.ly/3IhgBs9 Viber: https://bit.ly/3qgqQa9 TikTok: https://bit.ly/3KWQYig Народнае антыкрызіснае ўпраўленне: Telegram: https://bit.ly/36ezaQK Instagram: https://bit.ly/3InJdAj YouTube: https://bit.ly/3wjLOZE Twitter: https://bit.ly/3CRbU7i Facebook: https://bit.ly/3igwXab Сайт: https://bit.ly/36tSglZ TikTok: https://bit.ly/3UoB8B2 #беларусь #рэвалюцыя #лукашэнка Ці прайграла беларуская рэвалюцыя? Адкажа беларускі народ