Беларусы пішуць нам, што Беларусь – жыве! Навіна аб прызнанні вокліча Жыве Беларусь! "нацысцкай сімволікай" моцна абурыла беларусаў. У той дзень мы атрымалі вельмі шмат узрушаных, але натхняльных паведамленняў. У тым ліку – і знутры Беларусі. Але ж адно з іх уразіла мяне асабліва. Уразіла моцна і стала для мяне выразным доказам, што беларусы не здаліся і не скарыліся. Што цемра "рускага свету" і лукашызму не здолее нас задушыць. Што мы не страцілі сябе і сваёй ідэнтычнасці. Таму хачу, каб вы таксама пачулі гэтае пасланне з Беларусі і адчулі тое ж самае, што адчуў я, калі атрымаў яго. "ЖЫВЕ" Яны б хацелі, каб я змоўк. Але ж не змоўк. Хіба заціх да часу. Яны б хацелі, каб я знік. Але ж не знік. Хіба да часу прыхаваўся. Яны б хацелі, каб я стаў сляпым, глухім. Каб пазабыўся волі. Але ж цяпер я бачу й чую ўсё. І памятаю. Добра, як ніколі. Яны б хацелі запалохаць ды зламаць мяне. А не. Бо я ж – нязломны. Бо я да страху звыклы, жаху звыклы, болю… Яны б хацелі, каб пазбавіўся імя. Каб я імя ня ведаў ўласнага свайго. Яны мне: "Как тебя зовут?". "Я беларус" – кажу. Яны: "Ты кто такой?". "Я – беларус" – кажу. "Ты – кто?!". "Я – беларус". "И что ты, белорус, еще живой?" "Жывы," – кажу. "Жыве," – кажу. Крычу: "Жыве!". Ды чую звонку: "Беларусь!..". Яны б хацелі, каб я змоўк. А я – не змоўк. Хіба заціх крыху. Да часу… Тым часам, з-пад шыбеніцы, пішу: "Жыві, народзе мой! Жыве! Час прачынацца!" ✊ Жыве Беларусь! Калі ў вас ёсць магчымасць і жаданне падтрымаць працу каманды НАУ: https://bit.ly/38KA2y0 Нашы сацыяльныя сеткі: Павел Латушка: Telegram: https://bit.ly/3u61ixG Instagram: https://bit.ly/3u4aKS2 YouTube: https://bit.ly/3qgqmRn YouTube PL: https://bit.ly/3u7pfEE Twitter: https://bit.ly/3tlTBEb Facebook: https://bit.ly/3IhgBs9 Viber: https://bit.ly/3qgqQa9 TikTok: https://bit.ly/3KWQYig Народнае антыкрызіснае ўпраўленне: Telegram: https://bit.ly/36ezaQK Instagram: https://bit.ly/3InJdAj YouTube: https://bit.ly/3wjLOZE Twitter: https://bit.ly/3CRbU7i Facebook: https://bit.ly/3igwXab Сайт: https://bit.ly/36tSglZ #латушка #беларусь #жыве Пасланне з Беларусі