мярзота наша сонца расстралялі болем і здрадай, і дзьве сотні год над зямлёй вісіць змрок. а ў людзей адабралі іх волю і праўду - і ўжо нельга ступіць без дазволу нават крок. і паходні спаліў нашыя вецер, і зламаліся нашы сякеры-нажы, жабракамі па сьвеце пайшлі нашы дзеці - рыхтавалі сабе труны мы і крыжы. на шэрым небе - шэрыя хмары на чорным сонцы - чорныя плямы ў траве зялёнай - казяўкі зялёныя а на бел-чырвона-белай зямлі мярзота зялёна-чырвоная! а палітыкі-сукі абяцалі нам хлебу, шчасьця, золата горы насыпаць да неба, абяцалі, што будзем людзьмі называцца - толькі б далі мы ім да ўлады дабрацца. й мы сядзелі і тых абяцанкаў чакалі, рукі нашы ў зямлю па плечы ўрасьлі, мы сядзелі, а нас па чарзе забівалі - і маўкліва мы труны з братамі нясьлі. на шэрым небе - шэрыя хмары на чорным сонцы - чорныя плямы ў траве зялёнай - казяўкі зялёныя а на бел-чырвона-белай зямлі - мярзота зялёна-чырвоная! мярзота чырвона-зялёная!.. __________________________________________ запіс зроблены ў варшаве, 2018.ІХ.01