Бізнэс сыходзіць зь Беларусі, найперш малы і сярэдні. Засмучальную тэндэнцыю фіксуе нават афіцыйная статыстыка. І аніякага прасьвету напрыканцы гэтага бізнэс-танэлю ня бачна і не прадбачыцца. Калі малы бізнэс у Беларусі будзе скарачацца гэткімі тэмпамі, як цяпер, то неўзабаве яго застанецца, як казаў дыктатар пра муку ў Менску ў 1990-х, літаральна на тры дні. Выданьне “banki24.by” падлічыла, што толькі за апошнія сем гадоў айчынная эканоміка страціла амаль 22 тысячы дробных кампаніяў. Гэта 19, 2% ад агульнае колькасці бізнэсаў у краіне. Тэндэнцыя, мякка кажучы, неаптымістычная, улічваючы, што менавіта малы бізныс застаецца своеасаблівай “подушкай бясьпекі” для ўсяе эканомікі, калі сыходзіць з прынцыпу “ня класьці ўсе яйкі ў адзін кошык“. Са скарачэньнем бізнэсаў, натуральна, ідзе і зьмяншэньне адлічэньняў у бюджэт. Толькі па выніках першых чатырох месяцаў гэтага года падаткавыя зборы ад малых кампаніяў зьнізіліся амаль на адсотак у параўнаньні з аналягічным леташнім пэрыядам - з 21,1 да 24,2 %. Зрэшты, нясоладка жывецца сёння ў Беларусі ня толькі малому, але і астатняму бізнэсу. За апошнія сем гадоў у нашай краіне ажно на 360 адзінак, то бок амаль на 15 адсоткаў (14,7 %) скарацілася і колькасьць сярэдніх кампаніяў. Зь іх мінус 62 – толькі за першыя чатыры месяцы гэтага года. Пра ўсё гэта, рыхтуючы сёньня матэрыял, паразмаўляў зь вядомым бізнэсоўцам Аляксандрам Кныровічам. #daroha #кнырович #бизнесвБеларуси