Гэты ласунак быў папулярны на ўсёй тэрыторыі былога Вялікага Княства Літоўскага, Рэчы Паспалітай і за яе межамі. У Польшчы страву называюць па сённяшні дзень перогамі, падобная страва, толькі з сырным начыненнем, ёсць у славакаў і румынаў. Мяркуецца, што любая страва з начыненнем у цесце, ці то вараная, ці то смажаная, прыйшла з Азіі з часоў мангольскіх паходаў на Захад. На беларускіх землях, больш верагодна, страва атрымала распаўсюд ад татараў, якім князь Вітаўт дазволіў пасяліцца на землях Вялікага Княства. Першы вядомы рэцэпт варэнікаў, ці перогаў, з цялячымі ныркамі, каторы захаваўся на паперы, быў надрукаваны ў першай кулінарнай кнізе Рэчы Паспалітай каралеўскім сакратаром і падстольным жытомірскім Станіславам Чарнецкім у 1682 годзе. З цягам часу традыцыйнай і смачнай начынкай для беларусаў стала бульба. Прапануем прыгатаваць варэнікі менавіта з бульбай. 📌 Гатуем на тры порцыі: Для цеста: мука 400 г 1 шклянка вады 1 ч. лыжка солі 2 ст. лыжкі алею 1 яйка Для начынення: 4 бульбіны 1 вялікая цыбуліна 3 ч. лыжкі алею соль і перац па смаку масла 30 г малако 100 мл Падаваць са смятанай і зелянінай Музыка: Стары Ольса @StaryOlsa #будзьмабеларусамі #беларускаякухня #гатуемзбудзьма #безмяса 👉Гатуем з «Будзьма»! (рэцэпты) https://youtube.com/playlist?list=PLp0aOIn3iSMG-YPz0uMjB0KInN7ffCIbp БУДЗЬМА РАЗАМ: Сайт https://budzma.org Telegram https://t.me/budzmaby Facebook https://www.facebook.com/budzmabelarusami VK http://vk.com/budzmabelarusami Instagram https://www.instagram.com/budzma/ Twitter https://twitter.com/budzma