Святлана Курс, вядомая ў літаратуры пад псеўданімам Ева Вежнавец, — адна з найярчэйшых пісьменніц сучаснасці. Яе твор «Па што ідзеш, воўча?», які выйшаў у 2020-м і летась атрымаў найвышэйшую ўзнагароду ў беларускай літаратуры — прэмію Ежы Гедройця, нібы глыбокі калодзеж. Зазірнуўшы ў яго, можна пабачыць душу беларускай вёскі, з яе рамантызмам і паталогіямі. Ды і піша Святлана пра тое, што добра ведае, бо сама вырасла ў вёсцы. Святлана Курс — значная асоба і ў беларускім руху, куды яна трапіла ў 1990-х. Яна добра памятае тую атмасферу свабоды і ўсёдазволенасці, што панавала ў Менску, багемныя вечарыны і гулянні, якія былі часткай будзёнасці інтэлектуальных колаў. Памятае яна і як гэтую свабоду забіралі: 1996 год яна называе забытым 2020-м. У новым выпуску ТОК мы гаворым са Святланай пра нутро беларускай вёскі, шаптух і вядзьмарак, менскую багему, згадваем ужо легендаў — Сыса і Анемпадыстава. Размаўляем аб найважнейшых акцыях пратэсту 1990-х і як паводзілі сябе сілавікі тады. Разважаем пра імперыю Пуціна, культуру гвалту ў Расеі, «рускі мір» у Беларусі і да чаго можа прывесці вайна з Украінай. Згадваем некалькі яркіх эпізодаў з жыцця Святланы — як праца над творам у каліфарнійскім пасёлку для мільянераў, дзе кожны мае верталёт, і гісторыі, пачутыя ад старых людзей, калі Святлана працавала сацыяльнай работніцай у Варшаве. 00:00 — што ў выпуску 00:49 — пра апошні прыезд у Беларусь 02:36 — пра родную вёску з грубымі жартамі і мовай з 19 стагоддзя 06:09 — пра змову маўчання аднавяскоўцаў 07:25 — рамантызм і паталогія вёскі 09:59 — пра шаптух 11:35 — чаму знішчаць беларусаў безнадзейна 13:01 — стаўленне да жанчын у вёсцы 16:16 — пра Менск, Мінск і Варшаву 21:05 — пра свабоду 1990-х, тусоўкі інтэлігенцыі 25:29 — успаміны пра Сыса і Анемпадыстава 30:23 — чаму менская багема так піла ў 1990-я і любімыя месцы Менска 34:29 — пра Пазняка 36:12 — пра 1996-ы — забыты 2020-ы 40:10 — ці лютавалі міліцыянты ў 1996-м 43:10 — пра імперыю і канец Пуціна 49:39 — пра Лукашэнку і прыроду зла 53:03 — пра імперскасць расейцаў і «рускі мір» у Беларусі 1:05:38 — пра Ціханоўскую і сваркі апазіцыі 1:11:21 — што будзе перамогай Украіны 1:13:00 — пра старасць 1:21:10 — пра жыццё ў пасёлку для мільянераў у Каліфорніі 1:25:47 — аб працы музейнай старожкі 👉ПАДТРЫМАЙЦЕ НАС: http://patreon.com/nashaniva/ Telegram: https://telegram.me/nashaniva Twitter: https://twitter.com/nashaniva/ Instagram: https://www.instagram.com/nashaniva/ TikTok: https://vm.tiktok.com/ZMLTn9xBo/ Vkontakte: https://vk.com/nashaniva/ Facebook: https://facebook.com/nashaniva/ #вежнавец #ток #беларусь #украина #россия