Яўген Літвінковіч напісаў пад ўражаннямі ад падзей, якія адбываюцца зараз у Беларусі, першую сваю песню па-беларуску «Блакітнавокая». Яўген Літвінковіч родам з Жодзіна. У 2012 годзе ён прыняў удзел у шоу «Україна має талент», выйшаў у фінал, заняў трэцяе месца і атрымаў запрашэнне ў шоу «Х-Фактар», дзе заняў другое месца. З тых часоў Яўген пастаянна выступае з канцэртамі ва Украіне і за яе межамі, працуе ў журы конкурсаў, займаецца дабрачыннасцю і піша песні. — Беларусь у маім сэрцы, а ў маёй песні — мае пачуцці. Людзі пачулі ў ёй патрыятычнасьць, боль і надзею. Мне гэта вельмі падабаецца. Мая песня пра любоў — перш за ўсё да тых, хто па-ранейшаму чакае мяне ў Беларусі, і да маёй краіны. Калі з'яжджаеш у іншую краіну, бачыш, як могуць адбывацца перамены, і вельмі востра адчуваеш, якой дарагой табе застаецца твая Радзіма. Я думаю, што ў пераменах няма нічога страшнага, гэта звычайная практыка цывілізаваных краін, і яна патрэбна Беларусі. Зараз у межах грамадскай кампаніі «Годна» адбываюцца два музычных праекта: праект «Спяваем Годна»: https://t.me/hodnaby/161 творчы конкурс «Жыве Беларусь»: https://t.me/hodnaby/168 Тэкст песні «Блакітнавокая» Дай мне на поспех Усмешку сваю. Намалюй на шчацэ Вуснаў друк сваіх. Абяцаю вярнуцца І пад бурай ня згінуць. Толькі ты кожны дзень Успамінай мяне, Успамінай мяне. Прыпеў: Там за туманамі Ды па-над бур’янамі, Зорка далёкая Мая блакітнавокая. Ты вядзі мяне туды, Дзе з табою назаўжды Сэрца мае ёкае, Мая блакітнавокая. Глянь на далоні Там мапа падзей. Прытулі іх да сэрца І пачуеш стук. Абяцаю вярнуцца І пад бурай ня згінуць. Прывяду я да дому Сонечных надзей, Сонечных надзей. Прыпеў: Там за туманамі Ды па-над бур’янамі, Зорка далёкая Мая блакітнавокая. Ты вядзі мяне туды, Дзе з табою назаўжды Сэрца мае ёкае, Мая блакітнавокая. Музыка: Марыя Жытнікава, Яўген Літвінковіч. Словы: Яўген Літвінковіч. Падрабязней пра кампанію «Годна»: https://hodna.by/ Далучайцеся да старонак кампаніі ў сацыяльных сетках, каб не прапусціць годныя падзеі: https://instagram.com/hodnaby/ https://facebook.com/hodnaby/ https://t.me/hodnaby https://twitter.com/hodnaby https://vk.com/hodnaby https://ok.ru/hodnaby https://youtube.com/c/hodnaby https://tiktok.com/@hodnaby