73 былыя палітвязні звярнуліся да еўрапейскіх лідараў з адкрытым лістом, у якім просяць краіны ЕС, Вялікабрытанію, Швейцарыю і Нарвегію заняць больш актыўную пазіцыю ў пытанні вызвалення палітвязняў і спынення рэпрэсій у Беларусі. Сярод падпісантаў ліста — вядомыя асобы, такія як Віктар Бабарыка, Марыя Калеснікава і Марына Золатава. Аўтары заклікаюць Еўрапейскі саюз актыўна ўдзельнічаць у працэсе вызвалення палітвязняў, выкарыстоўваючы дыпламатычныя каналы, перагаворныя фарматы і іншыя сродкі ціску. Яны падкрэсліваюць, што вызваленне павінна быць часткай устойлівага рашэння, а не адзіночным эпізодам. Таксама адзначаецца, што людзі, якія выходзяць на волю, не павінны жыць у выгнанні, а тыя, хто застаецца, не павінны быць пад пагрозай новага арышту.