Цяпер мы — «Тры па Грынвічу» ці проста «+тры». «Тры па Грынвічу» — гэта гісторыі пра глабальных прафесіяналаў з +3, якія цяпер жывуць па ўсім свеце: ад -12 да +12. +3 — гэта часавы пояс Беларусі, кропка старту для прафесіяналаў, якія пачыналі адсюль, а сёння будуюць паспяховыя кар'еры і запускаюць праекты ва ўсіх часавых паясах. У інтэрв'ю і гарадскіх рэпартажах мы знаёмім вас з глабальнымі беларусамі: навукоўцамі, прадпрымальнікамі і прафесіяналамі з розных куткоў свету. Мы прыязджаем у новыя гарады, заходзім у офісы і любімыя месцы герояў, паглыбляемся ў іх прафесійны досвед і даведваемся, як яны праходзяць свой шлях, пачынаючы з першых крокаў у +3. Новыя выпускі кожны месяц. Стваральнікі праекта — каманда Belarus Future Leadership Award і аўтары «Глушылкі Бі-бі-сі».