LITARALNA - каманда энтузіястаў, аб'яднаных важнай мэтай - захаваннем і папулярызацыяй беларускай моўнай спадчыны: літаратуры, перыёдыкі, значных помнікаў беларускай думкі. Наша галоўная задача захаваць і перадаць ўзоры беларускай культуры ў фармаце, зразумелым і даступным маладому пакаленню: аўдыякніжкі і алічбаваныя тэкставыя версіі значных твораў беларускай літаратуры, старых газет і часопісаў, заканадаўчых актаў і апублікаваных прыватных лістоў. Лідэр і ідэйны натхняльнік праекта - Уладзімір Пугач, вядомы беларускі музыка, які шмат гадоў прысвяціў беларускай музыцы і культуры наогул. У межах гэтага праекту Уладзімір з камандай паспрабуе прасунуць гэтую дзейнасць на новы ўзровень. Для працягу і развіцця праекту нам неабходна Ваша дапамога, бо ўсе нашы матэрыялы знаходзяцца ў бескаштоўным доступе! Наша задача зрабіць беларускую культуру даступнай!