Сябры, ДУК "Цэнтралізаваная клубная сістэма Браслаўскага раёну" сумесна з БРАСЛАВ.BY, пры інфармацыйнай падтрымцы грамадскай культурніцкай кампані Будзьма Беларусамі! запускаюць праект "Кулінарная спадчына Браслаўшчыны"! Наш край - адзін з самых шматнацыянальных рэгіёнаў у Беларусі. Тут сплёўся ў адно культурны код беларусаў, палякаў, літоўцаў, старавераў, татараў, габрэяў, латышоў, цыган і украінцаў. Прычым не толькі культурны, але і гастранамічны. Мы плануем сабраць найцікавейшыя старадаўнія рэцэпты ў кнігу, а таксама запускаем гэты відэаканал, дзе будзем занатоўваць, як гатуюцца стравы мясцовымі жыхарамі, а некаторыя нават будзем гатаваць самі.