У аграгарадку Мухавец адбыліся ўрачыстасці, прысвечаныя Дню вызвалення Брэсцкага раёна ад нямецка-фашысцкіх захопнікаў. Святочныя мерапрыемствы пачаліся каля музея пад адкрытым небам «Алея Памяці», дзе сабраліся мясцовыя жыхары, кіраўніцтва раёна і госці з Расіі. Удзельнікі ўсклалі кветкі да мемарыялу ў гонар землякоў. Далей святкаванне працягнулася на 11 сяльскіх падвор’ях, дзе былі прадстаўлены традыцыйныя пачастункі і творчыя выступленні. На галоўнай сцэне ўшанавалі выдатных прадстаўнікоў Брэсцкага раёна.