Ці ведаеце вы, што стаматалогія - гэта не толькі медыцына, але і сапраўднае мастацтва? Нашая гераіня - стаматолаг і мама Ганна Доўнар - патлумачыць чаму. Шлях ад Беларускага дзяржаўнага медыцынскага ўніверсітэта і абароны дысертацыі да магістратуры ў Англіі і пацвярджэння дыплома быў няпростым. Але менавіта мацярынства дапамагло ёй стаць яшчэ больш эфектыўнай у прафесіі і, што самае важнае, больш чулай да пацыентаў. «Мацярынства вучыць цярплівасці. Цяпер, калі я бачу ранні дзіцячы карыес, я не думаю: "Якая дрэнная мама". Я разумею, што ў людзей бываюць розныя абставіны». У новым эпізодзе разбураем міфы і дзелімся карыснымі парадамі. Чаму малочныя зубы ТРЭБА лячыць ?  Калі пачынаць чысціць зубы і якую пасту выбіраць? Як звязаныя шнуркі на абутку і чыстка зубоў?  Як не напалохаць дзіця стаматолагам і навошта дома трымаць гіпсавыя мадэлі зубоў? Захоўвайце сабе каштоўныя парады, якія дапамогуць захаваць усмешкі вашых дзяцей здаровымі. 👩‍🎓 Зараз у паўсядзённым жыцці Ганна больш размаўляе на ангельскай мове, але спрабуе захоўваць беларускую мову і культуру ў сваёй сям'і, таму гэтае інтэрв’ю – па-беларуску! Вам цікавая тэма мацярынства і бацькоўства? Завітвайце на ⁠старонку "Матчына мова" ў Instagram⁠ - https://www.instagram.com/matchyna.mova Там шмат цікавага і карыснага! Натхняемся разам! #беларускаямова #беларусь #мацярынства #бацькоўства #дзеці #матчынамова