У серыі 26 мультсерыяла «Пажарная бяспека з Роем» галоўны герой Пітар разам са школьнымі сябрамі наведвае гандлёвы цэнтр, дзе раптоўна адбываецца пажар. Дзяўчынкі і хлопчыкі не панікуюць, бо яны прайшлі навучанне пажарнай бяспецы. Мультсерыял з’яўляецца адгалінаваннем паўднёвакарэйскага праекта «Рабакар Полі», які ўпершыню выйшаў у 2017 годзе на канале EBS. У ім дзеці з мястэчка Брумс вучацца правілам бяспекі, каб быць гатовымі да небяспечных сітуацый, звязаных з агнём. Рабакар Рой дапамагае ім зразумець, як правільна рэагаваць на патэнцыйна небяспечныя прадметы, такія як пліты і феерверкі. Мультфільм агучаны на беларускай мове студыяй Gavarun.by.