Следчы камітэт завершыў расследаванне крымінальнай справы ў дачыненні да былой сацыяльнай работніцы з Жыткавіцкага раёна. Яна выкрала больш за 33 тысячы рублёў з банкавага рахунку свайго 81-гадовага падопечнага, на які мела даверанасць. Акрамя таго, жанчына забрала ў пенсіянера 50 тысяч рублёў на наяўнасці, якія сама прынесла яму «на захаванне». Устаноўлена, што выкрадзеныя сродкі абвінавачаная патратила на рамонт, мэблю, бытавую тэхніку і куплю дома. Суд прызнаў яе вінаватай і прызначыў 7 гадоў пазбаўлення волі з адбываннем пакарання ў калоніі агульнага рэжыму, а таксама штраф у памеры 200 базавых велічынь.