11-гадовы Лёша Тулай жыве ў новым катэджавым мікрараёне Горадні — у Ласосьне. Каб дабрацца ў школу, Лёша штодня ідзе 2 кілямэтры да аўтобуснага прыпынку, прычым палова дарогі — празь лес па неасьветленай грунтавой дарозе бяз ходнікаў і ўзбочын. Дарога пятляе, час ад часу па ёй праяжджаюць машыны і БМП з вайсковай часткі (https://www.svaboda.org/a/29316161.html). Узімку на дарозе галалёдзіца, улетку ад машын стаіць пыл, у дажджы яе размывае, робяцца вялікія лужыны. «У мяне ня раз сын вяртаўся са школы брудны, таму што падаў у яму па дарозе», — расказвае Лёшава мама Тацяна Тулай. Радыё Свабода www.svaboda.org