Падпісвайся на нашыя Youtube-каналы: РАДЫЁ СВАБОДА: http://bit.ly/SVABODA СВАБОДА PREMIUM: http://bit.ly/svaboda-premium ПАДКАСТЫ СВАБОДЫ: http://bit.ly/padkasty «Мы ўжо 15 гадоў жывём на вуліцы, і ўлетку, і ўзімку» — расказваюць наведвальнікі сталоўкі, дзе ў Менску бясплатна кормяць бяздомных людзей. Яны прыйшлі на абед, а таксама каб узяць з сабою некалькі цёплых рэчаў напярэдадні зімы. Сёньня ў мэню для бяздомных таматны суп з вэнджанай папрыкай і бэконам, а таксама паста з тунцом пад таматным соўсам з капэрсамі. Аднак такое мэню тут ня штодня, звычайна кормяць сьціплей. Валеры Ўладзімеравіч, які гатуе тут чацьвёрты год запар, пяць дзён на тыдзень, расказвае, што звычайна прыходзіць па 70–80 чалавек. Але з халадамі колькасьць наведвальнікаў штогод павялічваецца — чалавек да 150. «Тыя людзі, што сюды прыходзяць, яны часта шукаюць тут апошнюю надзею. Таму што дзе яны былі — ім адмовілі. Яны прыйшлі да нас». Праект «Дапамога бяздомным» існуе дзякуючы ахвяраваньням людзей (https://imenamag.by/posts/obedy-bezdomnym), а таксама дапамозе дабрачыннай арганізацыі «Водгук». Радыё Свабода www.svaboda.org