Менскі гарадзкі суд вынес жорсткі прысуд сям'і Корсакавых. 56-гадовы Дзьмітрый быў асуджаны на 14 гадоў калёніі, яго жонка Таццяна атрымала 12 гадоў, а іх дачка Пелагея, якая цяпер жыве ва Ўкраіне, завочна была асуджана на 11 гадоў зьняволеньня. Дзьмітрый і Таццяна шмат гадоў працавалі ў дзіцячым садку. Пелагея лічыць, што сапраўднай прычынай перасьледу сталі яе сувязі з Украінай і дапамога пацярпелым ад расейскіх абстрэлаў. Судовы працэс выклікаў шырокі рэзананс у грамадстве.