Па справе журналісткі «Новага часу» Дзіяны Серадзюк на судзе сьведчыў АМАПавец Віталь Івашкоў. Ён у цывільным адзеньні на акцыі пратэсту 20 сьнежня вёў «зьнешняе назіраньне» і запомніў «прыгожую дзяўчыну», якая, зь ягоных словаў, удзельнічала ў пратэстах. Судзьдзя Максім Трусевіч накіраваў справу паводле ч. 3 арт. 23.34 КаАП на дапрацоўку. «Насамрэч гэта лягічна, што справу адправілі на дапрацоўку, — пракамэнтавала Дзіяна Серадзюк. — Хаця ў ідэале, напэўна, было б правільна, калі б справу закрылі, мяне прызналі невінаватай, а да адказнасьці прыцягнулі гэтых сьведак». Радыё Свабода www.svaboda.org