Горадзенскага фатографа-фрылянсэра Валера Юдзіна аштрафавалі на 15 базавых велічыняў (435 рублёў) за бел-чырвона-белы сьцяжок у машыне. Пастанаўленне вынес суд Кастрычніцкага раёна Горадні 28 красавіка. Юдзін сваю віну не прызнаў. Яго спынілі супрацоўнікі ДАІ на машыне без адзнакаў ранкам 22 красавіка, калі ён ехаў на працу. Яму сказалі, што ягоны аўтамабіль нібыта ў вышуку, і адвезьлі яго разам з аўтамабілем у міліцыю. Сьцяжок яны з машыны не здымалі. Там на яго склалі адміністрацыйны пратакол за незаконнае пікетаваньне (ч. 1 арт. 24.23 КаАП). Прычынай стаў невялікі бел-чырвона-белы сьцяжок на лабавым шкле аўтамабіля. Юдзіна больш за содні трымалі ў ізалятары, а потым выпусьцілі да суду. Дома ў яго падчас агляду забралі яшчэ адзін невялікі нацыянальны сьцяг. Справу разглядаў судзьдзя Віталь Лабоцкі. #БЧБ #Горадня #РадыёСвабода 📌 Абавязкова падпішыся на наш YouTube канал і пастаў званочак: http://bit.ly/SVABODA