У падземным пераходзе каля ГУМу на праспэкце Незалежнасьці вулічны музыка сьпявае аўтарскія песьні на беларускай мове. Як выканаўца распавёў Радыё Свабода, у сваім рэпэртуары ён мае каля 10 песень на беларускай мове. У адной зь песень, якія ён выканаў у пераходзе на Кастрычніцкай, сьпяваецца пра ўладу, турму і КДБ: «Сэнсу няма —трапляць у міністры, Сэнсу няма — лезьці ў КДБ, Сэнсу няма — лічыцца нацыстам. Сэнсу няма — сядзець у турме. Сэнсу няма — чапляцца за ўладу. Сэнсу няма — кідацца на танк. Сэнсу няма — зьяўляцца ўрадам» — сьпяваецца ў песьні. «Здымай свае надзеі, кідай іх у сьметнік, хай іх апранае нейкі бомж. Мабыць, гэты бомж стане прэзыдэнтам. Мабыць, і ня стане. Ну і што» — заканчваецца песьня.