Робэрт Качаран двойчы абіраўся прэзыдэнтам Армэніі. Ураджэнец Нагорнага Карабаху і першы прэзыдэнт непрызнанай Нагорна-Карабахскай Рэспублікі, ён надаваў шмат увагі гэтаму праблемнаму рэгіёну. Акрамя таго, Качаран умацоўваў сувязі з Масквой: менавіта ён вёў перамовы з Расеяй аб продажы - цяпер сумна вядомым - армянскіх электрасетак. Рост коштаў на камунальныя паслугі і забойства расейскім вайскоўцам армянскай сям'і ў Гюмры выклікалі шырокую грамадзкую незадаволенасьць цеснымі сувязямі Армэніі з Расеяй. Тым ня менш, Качаран, якому сёлета споўняцца 62 гады, лічыць, што для яго краіны Расея застаецца адным з найважнейшых партнэраў.