17 і 18 сакавіка жыхары Петрыкава заўважылі, што каля паромнай пераправы праз Прыпяць пачалі будаваць пантонны мост. У гэты ж час на мясцовую чыгуначную станцыю Муляраўка прыехала некалькі дзясяткаў танкаў і іншай ваеннай тэхнікі. Адмысловымі плятформамі, якія суправаджаліся сырэнамі, танкі перавозілі ў Петрыкаў, дзе яны езьдзілі проста па цэнтры гораду. 27 сакавіка мясцовыя жыхары зафіксавалі, што пантонны мост зьнік. Здымкі са спадарожнікаў пацьвердзілі, што мост пачалі будаваць, але ўжо 20 сакавіка яго дэмантавалі. Куды падзеліся танкі і чаму прыбралі мост, невядома. 📌 Абавязкова падпішыся на наш YouTube канал і пастаў званочак: http://bit.ly/SVABODA