У серыі 21 мультсерыяла «Пажарная бяспека з Роем» Пітар і Джоні наведваюць краму ў пошуках новай цацкі, калі раптам адбываецца землятрус. Хлопцы адчуваюць страх, але ім удаецца знайсці ўкрыццё для выратавання. Мультсерыял з'яўляецца адгалінаваннем паўднёвакарэйскага шоу «Рабакар Полі», прэм'ера якога адбылася ў 2017 годзе на EBS. У сюжэтах мультфільма дзеці з мястэчка Брумс вучацца правілам пажарнай бяспекі, каб ведаць, як сябе паводзіць у небяспечных сітуацыях. Рабакар Рой дапамагае ім зразумець, як абараніць сябе і сваіх блізкіх ад агню. Мультфільм агучаны на беларускай мове студыяй Gavarun.by.