Максім Сарычаў – візуальны мастак, фатограф і праграміст, які працуе над доўгатэрміновымі праектамі на скрыжаванні дакументальнай фатаграфіі, журналістыкі і мастацтва. У сваёй працы ён даследуе тэмы гвалту, уразлівасці і эксплуатацыі. З вясны 2022 года жыве ў Польшчы. На сустрэчы, якая адбылася 10 студзеня 2026 года, Максім распавядае пра сваю фотапрактыку і гісторыі стварэння асноўных фотапраектаў. Асноўнай тэмай яго выступу стала прэзентацыя праекта «Таемныя мастакі», які даследуе эканамічную ўразлівасць мастакоў і крызіс мастацкай інфраструктуры. Відэа з'яўляецца скарочанай версіяй гэтай сустрэчы. Арганізатарам мерапрыемства выступіла платформа ФШ1, якая займаецца стварэннем прасторы для фатаграфічнай творчасці і аб'яднання фатографаў з Беларусі.