У канцы 90-х — пачатку 2000-х гадоў хіп-хоп у Беларусі толькі пачынаў развівацца, знаходзячыся ў падвалах і маленькіх клубах. Большасць рэпераў чытала на рускай мове, аднак з'яўляліся і тыя, хто спрабаваў выказвацца па-беларуску. Першымі крокамі ў гэтым кірунку сталі творы гурта ТС-52, які ў 1995 годзе запісаў трэк «Наша Сіла», які лічыцца адным з першых рэп-трэкаў на беларускай мове. У Гомелі з'явілася група Tha Codla, якая ў 2002 годзе выпусціла міні-альбом «Мэйд Ін Белараша!», дзе вылучаўся трэк «Калыханка для каханай» на беларускай мове. У Віцебску актыўна працавала група Подвальные Рифмы, якая стала вядомай дзякуючы трэку «Віцебск 974». Нягледзячы на агульную папулярнасць рускамоўнага рэпу, беларускамоўны рэп заставаўся ў цені, што адлюстроўвалася на развіцці сцэны.